Buland Kesari/ ਜਲੰਧਰ ਕੇਂਦਰੀ ਹਲਕੇ ਦੀ ਸਿਆਸਤ ਇਕ ਵਾਰ ਫਿਰ ਗਰਮ ਹੋ ਗਈ ਹੈ। ਹਲਕੇ ਦੇ ਐਮਐਲਏ ਰਮਨ ਅਰੋੜਾ ਜੋ ਕਿ ਭ੍ਰਿਸ਼ਟਾਚਾਰ ਦੇ ਕੇਸਾਂ ਵਿੱਚ ਫਸਣ ਤੋਂ ਬਾਅਦ ਕੁਝ ਸਮਾਂ ਜੇਲ ਵਿੱਚ ਰਹੇ ਸਨ, ਹੁਣ ਜਮਾਨਤ ‘ਤੇ ਬਾਹਰ ਆ ਕੇ ਰੋਜ਼ਾਨਾ ਆਪਣੇ ਦਫਤਰ ਵਿੱਚ ਬੈਠਣ ਲੱਗ ਪਏ ਹਨ। ਉਨ੍ਹਾਂ ਦੀ ਹਾਜ਼ਰੀ ਨਾਲ ਹਲਕੇ ਵਿੱਚ ਉਮੀਦ ਦਾ ਮਾਹੌਲ ਬਣਿਆ ਸੀ, ਪਰ ਪਾਰਟੀ ਪੱਧਰ ‘ਤੇ ਹੋਈ ਨਵੀਂ ਨਿਯੁਕਤੀ ਨੇ ਸਾਰੇ ਹਿਸਾਬ ਗੜਬੜ ਕਰ ਦਿੱਤੇ ਹਨ।
ਆਮ ਆਦਮੀ ਪਾਰਟੀ ਦੀ ਲੀਡਰਸ਼ਿਪ ਨੇ ਜਲੰਧਰ ਸੈਂਟਰਲ ਹਲਕੇ ਦਾ ਇੰਚਾਰਜ ਨਿਤਿਨ ਕੋਹਲੀ ਨੂੰ ਬਣਾਇਆ ਹੈ, ਜਿਸ ਨਾਲ ਹਲਕੇ ਵਿੱਚ ਦੋ ਅਧਿਕਾਰਤ ਕੇਂਦਰ ਬਣ ਗਏ ਹਨ। ਹੁਣ ਹਲਕੇ ਦੇ ਲੋਕਾਂ ਵਿੱਚ ਇਹ ਸਭ ਤੋਂ ਵੱਡੀ ਮਾਨਸਿਕ ਉਲਝਣ ਬਣ ਗਈ ਹੈ ਕਿ ਉਹ ਆਪਣਾ ਕੰਮ ਕਰਵਾਉਣ ਲਈ ਕਿਸ ਕੋਲ ਜਾਣ — ਆਪਣੇ ਚੁਣੇ ਹੋਏ ਐਮਐਲਏ ਰਮਨ ਅਰੋੜਾ ਕੋਲ ਜਾਂ ਪਾਰਟੀ ਦੁਆਰਾ ਨਿਯੁਕਤ ਨਵੇਂ ਇੰਚਾਰਜ ਨਿਤਿਨ ਕੋਹਲੀ ਕੋਲ!
ਕਈ ਲੋਕ ਐਮਐਲਏ ਕੋਲ ਜਾਣ ਤੋਂ ਘਬਰਾਉਂਦੇ ਹਨ ਕਿਉਂਕਿ ਹਲਕੇ ਦੇ ਅੰਦਰਲੇ ਕੁਝ ਲੋਕ ਕਹਿੰਦੇ ਹਨ ਕਿ ਹੁਣ ਸਮੂਹੀ ਸਰਕਾਰੀ ਕੰਮ ਤੇ ਮਨਜ਼ੂਰੀਆਂ ਹਲਕਾ ਇੰਚਾਰਜ ਰਾਹੀਂ ਹੋਣਗੀਆਂ। ਦੂਜੇ ਪਾਸੇ, ਐਮਐਲਏ ਦੇ ਕਰੀਬੀਆਂ ਦਾ ਕਹਿਣਾ ਹੈ ਕਿ ਉਹ ਹਲਕੇ ਦੇ ਲੋਕਾਂ ਦੇ ਚੁਣੇ ਨੁਮਾਇੰਦੇ ਹਨ ਅਤੇ ਜੇਕਰ ਲੋਕ ਉਹਨਾਂ ਕੋਲ ਨਹੀਂ ਆਉਂਦੇ ਤਾਂ ਇਹ ਉਨ੍ਹਾਂ ਦੇ ਅਧਿਕਾਰਾਂ ਦੀ ਉਲੰਘਣਾ ਹੈ।
ਇਸ ਗੁੰਝਲਦਾਰ ਸਥਿਤੀ ਕਾਰਨ ਸੈਂਟਰਲ ਹਲਕੇ ਦੀ ਆਮ ਜਨਤਾ ਮੁਸੀਬਤ ਵਿੱਚ ਹੈ। ਲੋਕ ਕਹਿੰਦੇ ਹਨ ਕਿ ਉਹਨਾਂ ਨੂੰ ਇਹ ਹੀ ਸਮਝ ਨਹੀਂ ਆ ਰਹੀ ਕਿ ਆਪਣੇ ਰੋਜ਼ਾਨਾ ਦੇ ਮੁੱਦੇ, ਸਹੂਲਤਾਂ ਅਤੇ ਸ਼ਿਕਾਇਤਾਂ ਕਿਸ ਅੱਗੇ ਰੱਖਣ। ਸਿੱਧਾ ਸਰਕਾਰੀ ਦਫਤਰਾਂ ਵਿੱਚ ਜਾਂਦੇ ਹਨ ਤਾਂ ਉਹਨਾਂ ਦੀ ਸੁਣਵਾਈ ਨਹੀਂ ਹੁੰਦੀ।
ਨਤੀਜੇ ਵਜੋਂ ਹਲਕੇ ਵਿੱਚ ਇੱਕ ਅਸਪਸ਼ਟਤਾ ਅਤੇ ਦੁਚਿੱਤੀ ਦਾ ਮਾਹੌਲ ਬਣ ਗਿਆ ਹੈ, ਜਿਸ ਨਾਲ ਸਰਕਾਰੀ ਕੰਮਕਾਜ ਵੀ ਪ੍ਰਭਾਵਿਤ ਹੋ ਰਿਹਾ ਹੈ।
ਜਲੰਧਰ ਸੈਂਟਰਲ ਹਲਕੇ ਵਿਚ ਹੁਣ ਸਿਆਸੀ ਗਤੀਵਿਧੀਆਂ ਹੋਰ ਤੇਜ਼ ਹੋਣ ਦੀ ਸੰਭਾਵਨਾ ਹੈ ਕਿਉਂਕਿ ਦੋਵੇਂ ਪਾਸੇ — ਐਮਐਲਏ ਰਮਨ ਅਰੋੜਾ ਅਤੇ ਇੰਚਾਰਜ ਨਿਤਿਨ ਕੋਹਲੀ — ਆਪਣੀ ਪੱਛਾਣ ਮਜਬੂਤ ਕਰਨ ਦੀ ਕੋਸ਼ਿਸ਼ ਕਰਨ ਦੀਆਂ ਕੋਸ਼ਿਸ਼ਾਂ ਰਹੇ ਹਨ।
Disclaimer:Buland Kesari receives the above news from social media. We do not officially confirm any news. If anyone has an objection to any news or wants to put his side in any news, then he can contact us on +91-98880-00404.