ਸ਼ਿਕਾਇਤਕਰਤਾ ਨੇ ਕਿਹਾ ਡੇਢ ਲੱਖ ਰੁਪਏ ਵੀ ਲੈ ਲਿਆ ਤੇ ਵਿਦੇਸ਼ ਵੀ ਨਹੀਂ ਭੇਜ ਰਿਹਾ ਟਰੈਵਲ ਏਜੰਟ ਅਸ਼ਨੀ! ਏਜੰਟ ਨੇ ਆਰੋਪ ਨਕਾਰੇ
Buland Kesari/ ਜਲੰਧਰ ਦੇ ਨਰਿੰਦਰ ਸਿਨੇਮਾ ਕੋਲ ਸਥਿਤ ਵੀ ਐਸ ਐਸੋਸੀਏਟ ਦੇ ਖਿਲਾਫ ਇਕ ਸ਼ਿਕਾਇਤ ਪੁਲਿਸ ਕਮਿਸ਼ਨਰੇਟ ਕੋਲ ਪਹੁੰਚੀ ਹੈ। ਜਿਸ ਵਿੱਚ ਸ਼ਿਕਾਇਤਕਰਤਾ ਪਰਮਜੀਤ ਵਾਸੀ ਭੋਗਪੁਰ ਨੇ ਟਰੈਵਲ ਏਜੈਂਟ ਅਸ਼ਨੀ ‘ਤੇ ਆਰੋਪ ਲਾਇਆ ਹੈ ਕਿ ਉਸ ਦੀ ਅਸ਼ਨੀ ਦੇ ਨਾਲ 6 ਲੱਖ ਰੁਪਏ ਵਿੱਚ ਉਸਨੂੰ ਬੁਲਗਾਰੀਆ ਵਰਕ ਪਰਮਿਟ ‘ਤੇ ਭੇਜਣ ਦੀ ਡੀਲ ਹੋਈ ਸੀ। ਜਿਸ ਅਧੀਨ ਉਸਨੇ ਡੇਢ ਲੱਖ ਰੁਪਏ ਟਰੈਵਲ ਏਜੰਟ ਅਸ਼ਨੀ ਨੂੰ ਦੇ ਏਡਵਾਂਸ ਦਿੱਤੇ ਗਏ ਸਨ।
ਪਰ ਉਸਦੇ ਬਾਵਜੂਦ ਅਸ਼ਨੀ ਨੇ ਨਾ ਤਾਂ ਉਸਨੂੰ ਬੁਲਗਾਰੀਆ ਵਰਕ ਪਰਮਿਟ ‘ਤੇ ਭੇਜ ਰਿਹਾ ਹੈ ਨਾ ਹੀ ਉਸਦਾ ਪਾਸਪੋਰਟ ਅਤੇ ਪੈਸੇ ਵਾਪਸ ਕਰ ਰਿਹਾ ਹੈ। ਸਗੋਂ ਉਸਨੂੰ ਧਮਕਾਇਆ ਜਾ ਰਿਹਾ ਹੈ ਕਿ ਤੂੰ ਜੋ ਕੁਝ ਕਰਨਾ ਹੈ ਕਰ ਲੈ ਨਾ ਤੇਰੇ ਪੈਸੇ ਮੋੜਨੇ ਹਨ, ਨਾ ਹੀ ਤੈਨੂੰ ਪਾਸਪੋਰਟ ਵੀ ਵਾਪਸ ਮਿਲਣਾ ਹੈ।
ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਉਹ ਅਨੇਕਾਂ ਵਾਰ ਟਰੈਵਲ ਏਜੰਟ ਦੇ ਦਫਤਰ ਦੇ ਚੱਕਰ ਲਗਾ ਚੁੱਕਾ ਹੈ। ਹੁਣ ਉਸਨੂੰ ਇਹ ਲਾਰਾ ਲਗਾਇਆ ਜਾ ਰਿਹਾ ਹੈ ਕਿ ਤੈਨੂੰ ਅਕਤੂਬਰ 2025 ਵਿੱਚ ਅੰਬੈਸੀ ਵਿੱਚ ਫਿੰਗਰ ਪ੍ਰਿੰਟ ਲਈ ਭੇਜਿਆ ਜਾਵੇਗਾ ਅਤੇ ਉਸ ਲਈ ਉਸ ਤੋਂ ਹੋਰ ਪੈਸੇ ਮੰਗੇ ਜਾ ਰਹੇ ਹਨ!
ਸ਼ਿਕਾਇਤਕਰਤਾ ਨੇ ਡਿਪਟੀ ਪੁਲਿਸ ਕਮਿਸ਼ਨਰ ਸੰਦੀਪ ਸ਼ਰਮਾ ਨੂੰ ਸ਼ਿਕਾਇਤ ਸੌਂਪਦਿਆਂ ਮੰਗ ਕੀਤੀ ਹੈ ਕਿ ਉਸਦੇ ਪੈਸੇ ਅਤੇ ਪਾਸਪੋਰਟ ਉਸ ਨੂੰ ਵਾਪਸ ਦਬਾਇਆ ਜਾਵੇ।
ਉਧਰ ਦੂਜੇ ਪਾਸੇ ਜਦੋਂ ਇਸ ਮਾਮਲੇ ਵਿੱਚ ਵੀਐਸ ਐਸੋਸੀਏਟ ਦੇ ਟਰੈਵਲ ਏਜੈਂਟ ਅਸ਼ਨੀ ਨਾਲ ਗੱਲ ਕੀਤੀ ਤਾਂ ਉਸ ਨੇ ਕਿਹਾ ਕਿ ਉਸਨੇ ਪਹਿਲਾਂ ਵੀ ਪਰਮਜੀਤ ਦੇ ਭਰਾ ਨੂੰ ਬੁਲਗਾਰੀਆ ਭੇਜਿਆ ਹੈ ਅਤੇ ਹੁਣ ਪਰਮਜੀਤ ਦਾ ਕੇਸ ਲਗਾਇਆ ਹੋਇਆ ਹੈ। ਇਸ ਦਾ ਵਰਕ ਪਰਮਿਟ ਆ ਚੁੱਕਾ ਹੈ ਅਤੇ ਇਸਦੀ ਅਪੁਆਇੰਟਮੈਂਟ ਅਕਤੂਬਰ ਮਹੀਨੇ ਦੀ ਆਈ ਹੈ।ਜਦੋਂ ਇਸਦੇ ਫਿੰਗਰ ਪ੍ਰਿੰਟ ਹੋਣਗੇ ਤਾਂ ਹੀ ਓਹ ਵਿਦੇਸ਼ ਜਾਵੇਗਾ।
Disclaimer:Buland Kesari receives the above news from social media. We do not officially confirm any news. If anyone has an objection to any news or wants to put his side in any news, then he can contact us on +91-98880-00404.