ਜਲੰਧਰ/Buland Kesari – ਯੂਕੇ ਦੇ ਸੰਸਦ ਮੈਂਬਰ ਤਨਮਜੀਤ ਸਿੰਘ ਢੇਸੀ ਨੇ ਪੰਜਾਬ ਦੇ ਉਦਯੋਗ, ਵਪਾਰ, ਨਿਵੇਸ਼ ਪ੍ਰੋਤਸਾਹਨ ਅਤੇ ਐਨਆਰਆਈ ਮਾਮਲਿਆਂ ਦੇ ਮੰਤਰੀ ਸੰਜੀਵ ਅਰੋੜਾ ਨਾਲ ਜਲੰਧਰ ਵਿਖੇ ਮੁਲਾਕਾਤ ਕੀਤੀ। ਇਸ ਸਮੇਂ ਦੋਹਾਂ ਦਾ ਸਵਾਗਤ ਜਲੰਧਰ ਦੇ ਡੀ.ਸੀ. ਹਿਮਾਂਸ਼ੂ ਅੱਗਰਵਾਲ ਅਤੇ ਸਾਬਕਾ ਐਸਜੀਪੀਸੀ ਮੈਂਬਰ ਪਰਮਜੀਤ ਸਿੰਘ ਰਾਏਪੁਰ ਨੇ ਕੀਤਾ। ਪਰਮਜੀਤ ਸਿੰਘ ਰਾਏਪੁਰ ਜੋ ਕਿ ਸੰਸਦ ਮੈਂਬਰ ਢੇਸੀ ਦੇ ਮਾਮੇ ਵੀ ਹਨ, ਪਹਿਲਾਂ ਜਲੰਧਰ ਇੰਪ੍ਰੂਵਮੈਂਟ ਟਰੱਸਟ ਦੇ ਚੇਅਰਮੈਨ ਅਤੇ ਐਸਜੀਪੀਸੀ ਦੇ ਇੱਕਸਕਿਊਟਿਵ ਕਮੇਟੀ ਮੈਂਬਰ ਰਹਿ ਚੁੱਕੇ ਹਨ।
ਢੇਸੀ, ਜੋ ਯੂਕੇ ਦੇ ਸਲੌਫ਼ ਹਲਕੇ ਤੋਂ ਤੀਜੀ ਵਾਰੀ ਸੰਸਦ ਮੈਂਬਰ ਚੁਣੇ ਗਏ ਹਨ, ਪਿਛਲੇ ਸਾਲ ਬ੍ਰਿਟਿਸ਼ ਸੰਸਦ ਵੱਲੋਂ ਰੱਖਿਆ ਕਮੇਟੀ ਦੇ ਚੇਅਰਮੈਨ ਵਜੋਂ ਚੁਣੇ ਗਏ। ਇਹ ਪਹਿਲੀ ਵਾਰੀ ਹੈ ਕਿ ਕੋਈ ਅਲਪਸੰਖਿਆਕ ਇਸ ਪ੍ਰਭਾਵਸ਼ਾਲੀ ਅਤੇ ਮਜ਼ਬੂਤ ਸੰਸਦੀ ਕਮੇਟੀ ਦਾ ਚੇਅਰਮੈਨ ਬਣਿਆ ਹੈ।
ਇਕ ਘੰਟੇ ਦੀ ਇਸ ਮੁਲਾਕਾਤ ਦੌਰਾਨ ਵਿਦੇਸ਼ੀ ਭਾਰਤੀਆਂ ਖਾਸ ਕਰਕੇ ਜ਼ਮੀਨ ਸੰਬੰਧੀ ਵਿਵਾਦਾਂ ਅਤੇ ਜ਼ਮੀਨ ਜ਼ਬਰਦਸਤੀ ਜ਼ਬਤੀ ਦੇ ਮੁੱਦਿਆਂ ‘ਤੇ ਚਰਚਾ ਹੋਈ ਜੋ ਬਹੁਤ ਚਿੰਤਾ ਦਾ ਵਿਸ਼ਾ ਹਨ। ਗੈਂਗਵਾਰ ਵੱਲੋ ਫਿਰੋਤੀਆਂ ਦੀ ਮੰਗ ਵੀ ਮੁਲਾਕਾਤ ਵਿੱਚ ਇੱਕ ਵੱਡੀ ਸਮੱਸਿਆ ਵਜੋਂ ਸਾਹਮਣੇ ਆਈ।
ਢੇਸੀ ਨੇ ਸਰਕਾਰ ਕੋਲੋਂ ਇਕ ਪ੍ਰਭਾਵਸ਼ਾਲੀ ‘ਵਨ-ਵਿੰਡੋ ਸਿਸਟਮ’ ਬਣਾਉਣ ਦੀ ਮੰਗ ਕੀਤੀ ਤਾਂ ਜੋ ਵਿਦੇਸ਼ੀ ਪੰਜਾਬੀ ਆਪਣੇ ਮੁੱਦੇ ਆਸਾਨੀ ਨਾਲ ਦਰਜ ਕਰ ਸਕਣ ਅਤੇ ਵਪਾਰੀ ਵੀ ਪੰਜਾਬ ਵਿੱਚ ਨਿਵੇਸ਼ ਕਰਦਿਆਂ ਬਿਊਰੋਕ੍ਰੇਸੀ ਦੇ ਮੁਸ਼ਕਲਾਂ ਤੋਂ ਬਚ ਸਕਣ।
ਢੇਸੀ ਨੇ ਲੰਬੇ ਸਮੇਂ ਤੋਂ ਲੰਡਨ, ਬਰਮਿੰਘਮ ਅਤੇ ਹੋਰ ਯੂਰਪੀ ਅਤੇ ਉੱਤਰੀ ਅਮਰੀਕਾ, ਏਸ਼ੀਆ ਤੋਂ ਅਮ੍ਰਿਤਸਰ ਅਤੇ ਚੰਡੀਗੜ੍ਹ ਲਈ ਵਧੇਰੇ ਡਾਇਰੈਕਟ ਫਲਾਈਟਾਂ ਚਾਹੀਦੀਆਂ ਹਨ, ਜਿਸ ਨਾਲ ਵਿਸ਼ਵ ਭਰ ਦੇ ਪੰਜਾਬੀ ਭਾਈਚਾਰੇ ਅਤੇ ਪ੍ਰਵਾਸੀ ਸੈਲਾਨੀ ਸਿੱਧੇ ਤੌਰ ‘ਤੇ ਪੰਜਾਬ ਨਾਲ ਜੁੜ ਸਕਣਗੇ ਅਤੇ ਵਪਾਰ ਨੂੰ ਚਾਰ ਚੰਨ ਲੱਗਣਗੇ।
ਢੇਸੀ ਨੇ ਕਹਿਆ ਕਿ ਪੰਜਾਬ ਨੂੰ ਏਵਿਏਸ਼ਨ ਖੇਤਰ ਵਿੱਚ ਵੱਡਾ ਕੇਂਦਰ ਬਣਾਉਣ ਲਈ ਭਾਰਤ ਅਤੇ ਪੰਜਾਬ ਦੀਆਂ ਸਰਕਾਰਾਂ ਵੱਲੋਂ ਨਿਵੇਸ਼ ਅਤੇ ਰਾਜਨੀਤਕ ਸਹਿਯੋਗ ਦੀ ਲੋੜ ਹੈ।
ਮੁਲਾਕਾਤ ਵਿੱਚ ਅੰਤਰਰਾਸ਼ਟਰੀ ਕਾਰਗੋ ਪੋਰਟ ਅੰਮ੍ਰਿਤਸਰ ਨੂੰ ਦੁਬਾਰਾ ਖੋਲ੍ਹਣ ਦੀ ਲੋੜ ਤੇ ਜ਼ੋਰ ਦਿੱਤਾ ਗਿਆ, ਜੋ ਹਾਲ ਹੀ ਵਿੱਚ ਭਾਰਤ-ਪਾਕਿਸਤਾਨ ਤਣਾਅ ਕਾਰਨ ਬੰਦ ਹੋ ਗਿਆ ਸੀ। ਚੰਗੇ ਭਾਰਤ-ਪਾਕਿਸਤਾਨ ਸਬੰਧ ਅਤੇ ਵਪਾਰ ਨਾਲ ਦੋਨਾਂ ਦੇਸ਼ਾਂ ਨੂੰ ਖਾਸ ਤੌਰ ‘ਤੇ ਪੰਜਾਬੀਆਂ ਨੂੰ ਲਾਭ ਹੋਵੇਗਾ। ਢੇਸੀ ਨੇ ਕਰਤਾਰਪੁਰ ਸਾਹਿਬ ਕਾਰਿਡੋਰ ਦਾ ਦੁਬਾਰਾ ਖੁਲਨਾ ਵੀ ਮੁੱਖ ਮੰਗਾ ਕਿਉਂਕਿ ਇਹ ਸਿੱਖ ਭਾਈਚਾਰੇ ਲਈ ਬਹੁਤ ਮੁਹੱਤਵਪੂਰਨ ਹੈ। ਨਾਲ ਹੀ ਸਿਆਸੀ ਕੈਦੀਆਂ ਦੀ ਰਿਹਾਈ ਅਤੇ ਬ੍ਰਿਤਿਸ਼ ਨਾਗਰਿਕ ਜਗਤਾਰ ਸਿੰਘ ਜੋਹਲ ਦੇ ਮਾਮਲੇ ਨੂੰ ਵੀ ਚੁੱਕਿਆ ਗਿਆ।
ਢੇਸੀ ਨੇ ਕਿਹਾ ਕਿ ਦੁਨੀਆ ਭਰ ਵਿੱਚ ਪੰਜਾਬੀ ਵਿਰਾਸਤ ਵਾਲੇ ਲੋਕ, ਜਿਵੇਂ ਉਹ ਖੁਦ, ਪੰਜਾਬ ਨਾਲ ਆਪਣੇ ਰਿਸ਼ਤਿਆਂ ਨੂੰ ਮਜ਼ਬੂਤ ਕਰਨਾ ਚਾਹੁੰਦੇ ਹਨ ਅਤੇ ਪੰਜਾਬ ਦੀ ਤਰੱਕੀ ਲਈ ਦੁਆ ਕਰਦੇ ਹਨ। ਉਹ ਉਮੀਦ ਕਰਦੇ ਹਨ ਕਿ ਸਰਕਾਰ ਅਤੇ ਸਬੰਧਤ ਭਾਰਤੀ ਅਧਿਕਾਰੀਆਂ ਵੱਲੋਂ ਉਠਾਏ ਗਏ ਮੁੱਦਿਆਂ ਨੂੰ ਸੰਭਾਲਿਆ ਜਾਵੇਗਾ।
ਇਹ ਮੀਟਿੰਗ ਵਿਦੇਸ਼ੀ ਪੰਜਾਬੀ ਭਾਈਚਾਰੇ ਦੀਆਂ ਸਮੱਸਿਆਵਾਂ ਹੱਲ ਕਰਨ ਅਤੇ ਪੰਜਾਬ ਦੇ ਆਰਥਿਕ-ਸਮਾਜਿਕ ਵਿਕਾਸ ਨੂੰ ਤਗੜਾ ਕਰਨ ਲਈ ਇਕ ਅਹਿਮ ਕਦਮ ਮੰਨੀ ਜਾ ਰਹੀ ਹੈ।
Disclaimer:Buland Kesari receives the above news from social media. We do not officially confirm any news. If anyone has an objection to any news or wants to put his side in any news, then he can contact us on +91-98880-00404.