ਜਲੰਧਰ/ਬੁਲੰਦ ਕੇਸਰੀ; ਲੁੱਟ ਅਤੇ ਕਤਲ ਦੇ ਮਾਮਲੇ ਦੇ ਆਰੋਪੀਆਂ ਨੂੰ ਅਦਾਲਤ ਵੱਲੋਂ ਸਬੂਤਾਂ ਦੀ ਘਾਟ ਦੇ ਚਲਦਿਆਂ ਬਰੀ ਕਰ ਦਿੱਤਾ ਗਿਆ ਹੈ। ਇਸ ਬਾਰੇ ਬਚਾਅ ਪੱਖ ਦੇ ਵਕੀਲ ਦਿਨੇਸ਼ ਕੁਮਾਰ ਜੱਸੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ 23.11.2020 ਨੂੰ ਜਲੰਧਰ ਤੋਂ ਜੰਡਿਆਲਾ ਰੋਡ ਨੇੜੇ ਪਿੰਡ ਸਮਰਾਏ ਮੋੜ ਵਿਖੇ ਮੋਟਰਸਾਈਕਲ ਸਵਾਰ ਪਤੀ ਪਤਨੀ ਨਾਲ ਹੋਈ ਲੁੱਟ ਦੇ ਮਾਮਲੇ ਵਿੱਚ ਗੰਭੀਰ ਜ਼ਖਮੀ ਹੋਈ ਬਲਵਿੰਦਰ ਕੌਰ ਜਿਸਦੀ ਇਲਾਜ ਦੌਰਾਨ ਮੌਤ ਹੋ ਗਈ ਸੀ। ਇਸ ਕੇਸ ਵਿੱਚ ਪੁਲਿਸ ਵੱਲੋਂ ਪਰਮਿੰਦਰ ਸਿੰਘ, ਅਨਮੋਲ ਬਿੱਲਾ ਅਤੇ ਅਨਮੋਲ ਕੁਮਾਰ ਨਾਮਕ ਤਿੰਨ ਨੌਜਵਾਨਾਂ ਨੂੰ ਆਰੋਪੀ ਬਣਾਇਆ ਗਿਆ ਸੀ।
ਮਾਮਲੇ ਵਿੱਚ ਅਨਮੋਲ ਕੁਮਾਰ ਨੂੰ ਨਾਬਾਲਿਗ ਘੋਸ਼ਿਤ ਕੀਤਾ ਗਿਆ ਸੀ। ਜਦਕਿ ਬਾਕੀ ਦੋ ਨੂੰ ਲੰਬੇ ਚੱਲੇ ਕੇਸ ਤੋਂ ਬਾਅਦ ਬੀਤੀ ਦੋ ਜੁਲਾਈ ਨੂੰ ਸਬੂਤਾਂ ਦੀ ਘਾਟ ਦੇ ਚਲਦਿਆਂ ਬਰੀ ਕਰ ਦਿੱਤਾ ਗਿਆ ਹੈ।
ਇਸ ਸਬੰਧੀ ਮਿਲੀ ਜਾਣਕਾਰੀ ਦੇ ਮੁਤਾਬਕ 23 ਨਵੰਬਰ 2020 ਨੂੰ ਬਲਵਿੰਦਰ ਸਿੰਘ ਅਤੇ ਉਸਦੀ ਪਤਨੀ ਬਲਵਿੰਦਰ ਕੌਰ ਆਪਣੇ ਮੋਟਰਸਾਈਕਲ ਤੇ ਜਲੰਧਰ ਤੋਂ ਜੰਡਿਆਲਾ ਰੋਡ ਵੱਲ ਆ ਰਹੇ ਸਨ ਕਿ ਪਿੰਡ ਸਮਰਾਏ ਮੋੜ ਦੇ ਨੇੜੇ ਇੱਕ ਮੋਟਰਸਾਈਕਲ ‘ਤੇ ਸਵਾਰ ਤਿੰਨ ਵਿਅਕਤੀਆਂ ਵੱਲੋਂ ਬਲਵਿੰਦਰ ਕੌਰ ਤੋਂ ਉਸਦਾ ਪਰਸ ਖੋਹਣ ਲਈ ਕੋਸ਼ਿਸ਼ ਕੀਤੀ ਗਈ।
ਬਲਵਿੰਦਰ ਕੌਰ ਨੇ ਆਪਣਾ ਪਰਸ ਮਜਬੂਤੀ ਨਾਲ ਪਕੜਿਆ ਹੋਇਆ ਸੀ। ਜਿਸ ਕਾਰਨ ਉਹ ਮੋਟਰਸਾਈਕਲ ਤੋਂ ਡਿੱਗ ਗਈ ਅਤੇ ਉਸਦੇ ਸਿਰ ‘ਤੇ ਗੰਭੀਰ ਸੱਟ ਲੱਗੀ। ਉਸਨੂੰ ਜਲੰਧਰ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ, ਜਿੱਥੇ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ ਸੀ।
ਪੁਲਿਸ ਨੇ ਮਾਮਲੇ ਵਿੱਚ ਤਿੰਨ ਆਰੋਪੀਆਂ ਪਰਮਿੰਦਰ ਸਿੰਘ, ਅਨਮੋਲ ਬਿੱਲਾ ਅਤੇ ਅਨਮੋਲ ਕੁਮਾਰ ਨੂੰ ਆਰੋਪੀ ਬਣਾਇਆ ਸੀ।
ਕੇਸ ਦੀ ਸੁਣਵਾਈ ਦੌਰਾਨ 17 ਮਈ 2021 ਨੂੰ ਅਨਮੋਲ ਕੁਮਾਰ ਪੁੱਤਰ ਸੰਜੇ ਨੂੰ ਨਾਬਾਲਿਗ ਘੋਸ਼ਿਤ ਕਰ ਦਿੱਤਾ ਗਿਆ ਸੀ, ਜਦਕਿ ਕੇਸ ਦੀ ਲੰਬੀ ਚੱਲੀ ਸੁਣਵਾਈ ਤੋਂ ਬਾਅਦ ਬੀਤੀ 2 ਜੁਲਾਈ 2025 ਨੂੰ ਅਦਾਲਤ ਨੇ ਕੇਸ ਦੇ ਦੋ ਹੋਰ ਮੁੱਖ ਆਰੋਪਿਆਂ ਨੂੰ ਸਬੂਤਾਂ ਦੀ ਘਾਟ ਦੇ ਚਲਦਿਆਂ ਬਰੀ ਕਰ ਦਿੱਤਾ ਹੈ।
Disclaimer:Buland Kesari receives the above news from social media. We do not officially confirm any news. If anyone has an objection to any news or wants to put his side in any news, then he can contact us on +91-98880-00404.