ਬਿਜਲੀ ਦੇ ਖੰਭਿਆਂ ਤੋਂ ਲੈ ਕੇ ਦਰਖਤਾਂ ਤੱਕ ਭਰੇ ਪਏ ਹਨ ਨਜਾਇਜ਼ ਬੈਨਰਾਂ ਨਾਲ, ਆਖ਼ਿਰ ਕਿਓਂ ਨਹੀਂ ਰੋਕ ਰਹੀ ਨਗਰ ਨਿਗਮ ਦੀ ਨਵੀਂ ਟੀਮ?
Buland Kesari Ground Reality News: ਬੇਸ਼ੱਕ ਨਗਰ ਨਿਗਮ ਦੀ ਪੂਰੀ ਟੀਮ ਨਵੀਂ ਬਣ ਚੁੱਕੀ ਹੈ। ਆਮ ਆਦਮੀ ਪਾਰਟੀ ਦੇ ਵੱਡੇ ਵੱਡੇ ਦਾਅਵੇ ਸਨ ਕਿ ਨਗਰ ਨਿਗਮ ਜਿੱਤਦੇ ਸਾਰ ਹੀ ਉਹ ਜਲੰਧਰ ਸ਼ਹਿਰ ਵਿੱਚ ਕ੍ਰਾਂਤੀਕਾਰੀ ਪਰਿਵਰਤਨ ਲੈ ਕੇ ਆਉਣਗੇ ਪਰ ਫਿਲਹਾਲ ਅਜਿਹਾ ਕੁਝ ਵੀ ਦੇਖਣ ਨੂੰ ਨਹੀਂ ਮਿਲ ਰਿਹਾ।
ਜੇਕਰ ਗੱਲ ਜ਼ਮੀਨੀ ਹਕੀਕਤ ਦੀ ਕਰੀਏ ਤਾਂ ਸ਼ਹਿਰ ਵਿੱਚ ਰਹੇ ਲੱਗ ਰਹੀਆਂ ਐਗਜ਼ੀਬੀਸ਼ਨਾਂ ਦੇ ਬੈਨਰਾਂ ਨਾਲ ਸਾਰਾ ਸ਼ਹਿਰ ਭਰਿਆ ਪਿਆ ਹੈ। ਸਰਕਾਰੀ ਖੰਬਿਆਂ ਤੋਂ ਲੈ ਕੇ ਦਰਖਤਾਂ, ਕੰਧਾਂ ਅਤੇ ਟਰੈਫਿਕ ਲਾਈਟਾਂ ਤੱਕ ਇਹਨਾਂ ਐਗਜ਼ੀਬੀਸ਼ਨਾਂ ਦੇ ਬੈਨਰਾਂ ਨਾਲ ਭਰੀਆਂ ਪਈਆਂ ਹਨ!
ਨਗਰ ਨਿਗਮ ਦੀ ਡਿਊਟੀ ਤਾਂ ਇਹ ਬਣਦੀ ਹੈ ਕਿ ਅਜਿਹੇ ਕਿਸੇ ਵੀ ਥਾਂ ਤੇ ਕੋਈ ਵੀ ਪ੍ਰਾਈਵੇਟ ਕੰਪਨੀ ਦਾ ਬੈਨਰ ਨਾ ਲੱਗਣ ਦਿੱਤਾ ਜਾਵੇ ਜਿਸ ਨਾਲ ਜਨਤਾ ਨੂੰ ਪਰੇਸ਼ਾਨੀ ਆਵੇ। ਪਰ ਇਸ ਦੇ ਉਲਟ ਸਾਰੇ ਸ਼ਹਿਰ ਦੀਆਂ ਸਰਕਾਰੀ ਪ੍ਰਾਪਰਟੀਆਂ ਇਹਨਾਂ ਪ੍ਰਾਈਵੇਟ ਕੰਪਨੀਆਂ ਵੱਲੋਂ ਲਗਾਈਆਂ ਜਾ ਰਹੀਆਂ ਐਗਜ਼ੀਬੀਸ਼ਨਾਂ ਦੇ ਬੈਨਰਾਂ ਨਾਲ ਭਰੀਆਂ ਪਈਆਂ ਹਨ।
ਜੇਕਰ ਇਸ ਦੇ ਬਦਲੇ ਨਗਰ ਨਿਗਮ ਫੀਸ ਚਾਰਜ ਕਰਦਾ ਤਾਂ ਨਗਰ ਨਿਗਮ ਕੋਲ ਲੱਖਾਂ ਰੁਪਏ ਇਹਨਾਂ ਬੈਨਰਾਂ ਦੀ ਸਪੇਸ ਤੋਂ ਹੀ ਇਕੱਠੇ ਹੋ ਜਾਂਦੇ। ਪਰ ਇਹ ਵੀ ਭਰਿਸ਼ਟਾਚਾਰ ਦਾ ਇੱਕ ਜਰੀਆ ਹੀ ਹੈ ਕਿ ਨਗਰ ਨਿਗਮ ਨੂੰ ਬਿਨਾਂ ਕੋਈ ਪੈਸਾ ਦਿੱਤੇ, ਸਾਰੇ ਸਰਕਾਰੀ ਸਾਧਨਾਂ ਦਾ ਗਲਤ ਤਰੀਕੇ ਨਾਲ ਇਸਤੇਮਾਲ ਕੀਤਾ ਜਾ ਰਿਹਾ ਹੈ।
ਜਿਸ ਨੂੰ ਲੈ ਕੇ ਨਗਰ ਨਿਗਮ ‘ਤੇ ਸਵਾਲ ਖੜੇ ਹੋ ਰਹੇ ਹਨ ਕਿ ਆਖਿਰ ਨਵੇਂ ਬਣੇ ਮੇਅਰ, ਸੀਨੀਅਰ ਡਿਪਟੀ ਮੇਅਰ, ਡਿਪਟੀ ਮੇਅਰ ਅਤੇ ਹੋਰਨਾਂ 85 ਕੌਂਸਲਰਾਂ ਕੋਲ ਆਖਿਰ ਇਸ ਬਾਰੇ ਕੋਈ ਵੀ ਵਿਜ਼ਨ ਕਿਉਂ ਨਹੀਂ ਹੈ ਕਿ ਸਰਕਾਰੀ ਪ੍ਰਾਪਰਟੀਆਂ ਦਾ ਗ਼ਲਤ ਇਸਤੇਮਾਲ ਹੋਣ ਤੋਂ ਰੋਕਿਆ ਜਾ ਸਕੇ?
Disclaimer:Buland Kesari receives the above news from social media. We do not officially confirm any news. If anyone has an objection to any news or wants to put his side in any news, then he can contact us on +91-98880-00404.