(ਬੁਲੰਦ ਕੇਸਰੀ):- ਪੰਜਾਬ ਦੇ ਖੰਨਾ ‘ਚ ਪੈਂਦੇ ਪਿੰਡ ਗਲਵੱਦੀ ‘ਚ ਝਗੜੇ ਦੀ ਜਾਂਚ ਕਰਨ ਗਏ ਇੱਕ ASI ਦੀ ਜਾਨ ਨੂੰ ਉਦੋਂ ਖ਼ਤਰਾ ਪੈ ਗਿਆ ਜਦੋਂ ਮੁਲਜ਼ਮ ਨੇ ਘਰ ਦੇ ਅੰਦਰ ਬੰਨ੍ਹੇ ਪਿਟਬੁਲ ਕੁੱਤੇ ਨੂੰ ਉਸ ‘ਤੇ ਖੋਲ੍ਹ ਦਿੱਤਾ। ASI ਨੇ ਮੁਸ਼ਕਿਲ ਨਾਲ ਆਪਣੀ ਜਾਨ ਬਚਾਈ।
ਇਸ ਦੌਰਾਨ ਮੁਲਜ਼ਮਾਂ ਨੇ ਏਐਸਆਈ ਨਾਲ ਧੱਕਾ-ਮੁੱਕੀ ਵੀ ਕੀਤੀ ਅਤੇ ਗਾਲੀ-ਗਲੋਚ ਵੀ ਕੀਤਾ। ਜਿਸ ਕਾਰਨ ਥਾਣਾ ਸਦਰ ‘ਚ 3 ਦੋਸ਼ੀਆਂ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਹੈ।
ਮੁਲਜ਼ਮਾਂ ਦੀ ਪਛਾਣ ਅਮਨਦੀਪ ਸਿੰਘ, ਉਸ ਦੇ ਭਰਾ ਅਕਾਸ਼ਦੀਪ ਸਿੰਘ ਅਤੇ ਮਾਤਾ ਸਰੋਜ ਬਾਲਾ ਵਾਸੀ ਪਿੰਡ ਗਲਵੱਦੀ ਵਜੋਂ ਹੋਈ ਹੈ। ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਫਿਲਹਾਲ ਕਿਸੇ ਦੀ ਗ੍ਰਿਫਤਾਰੀ ਨਹੀਂ ਹੋਈ ਹੈ।
ਮਾਮਲਾ ਇਹ ਹੈ ਕਿ ਦੋ ਧਿਰਾਂ ਵਿਚਾਲੇ ਜ਼ਮੀਨੀ ਵਿਵਾਦ ਚੱਲ ਰਿਹਾ ਹੈ। ਇਸ ਝਗੜੇ ਨੂੰ ਲੈ ਕੇ ਦੋਵਾਂ ਧਿਰਾਂ ਵਿਚਾਲੇ ਲੜਾਈ ਹੋ ਗਈ। ਨੋਇਡਾ ਦੀ ਰਹਿਣ ਵਾਲੀ ਰਛਮੀਤ ਤੁਲਸੀ ਨਾਂ ਦੀ ਔਰਤ ਨੇ ਸਦਰ ਪੁਲਸ ਸਟੇਸ਼ਨ ‘ਚ ਸ਼ਿਕਾਇਤ ਦਰਜ ਕਰਵਾਈ। ਇਸ ਸ਼ਿਕਾਇਤ ਵਿੱਚ ਦੂਜੀ ਧਿਰ ਦੇ ਲੋਕ ਵਾਰ-ਵਾਰ ਫੋਨ ਕਰਨ ’ਤੇ ਵੀ ਥਾਣੇ ਨਹੀਂ ਆ ਰਹੇ ਸਨ।
ਏਐਸਆਈ ਪਰਵਾਨਾ ਦੇਣ ਗਲਵੱਦੀ ਪਹੁੰਚਿਆ ਸੀ
ਜਦੋਂ ਸਦਰ ਥਾਣੇ ਦੇ ਏਐਸਆਈ ਅਵਤਾਰ ਸਿੰਘ ਤਫਤੀਸ਼ ਵਿੱਚ ਸ਼ਾਮਲ ਹੋਣ ਲਈ ਪਰਵਾਨਾ ਨੋਟ ਕਰਾਉਣ ਲਈ ਗਲਵੱਦੀ ਸਥਿਤ ਮੁਲਜ਼ਮ ਦੇ ਘਰ ਪੁੱਜਿਆ ਤਾਂ ਉਥੇ ਪੁਲੀਸ ਨੂੰ ਦੇਖ ਕੇ ਮੁਲਜ਼ਮਾਂ ਨੇ ਘਰ ਵਿੱਚ ਬੰਨ੍ਹੇ ਪਿਟਬੁੱਲ ਕੁੱਤੇ ਨੂੰ ਖੋਲ੍ਹ ਦਿੱਤਾ।
ਇਹ ਵਹਿਸ਼ੀ ਨਸਲ ਦਾ ਕੁੱਤਾ ਪੁਲਿਸ ਵੱਲ ਭੱਜਿਆ ਅਤੇ ਹਮਲਾ ਕਰਨਾ ਸ਼ੁਰੂ ਕਰ ਦਿੱਤਾ। ਪੁਲਿਸ ਵਾਲਿਆਂ ਨੇ ਮੁਸ਼ਕਿਲ ਨਾਲ ਆਪਣੀ ਜਾਨ ਬਚਾਈ। ਇਸ ਦੌਰਾਨ ਮੁਲਜ਼ਮਾਂ ਨੇ ਪੁਲੀਸ ਨੂੰ ਗਾਲ੍ਹਾਂ ਕੱਢਣੀਆਂ ਸ਼ੁਰੂ ਕਰ ਦਿੱਤੀਆਂ ਅਤੇ ਹੱਥੋਪਾਈ ਸ਼ੁਰੂ ਕਰ ਦਿੱਤੀ।
Disclaimer:Buland Kesari receives the above news from social media. We do not officially confirm any news. If anyone has an objection to any news or wants to put his side in any news, then he can contact us on +91-98880-00404.