Buland Kesari/ Iran Israel War Update: ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਈਰਾਨ ਅਤੇ ਇਜ਼ਰਾਈਲ ਵਿਚਕਾਰ ਸੀਜ਼ਫਾਇਰ ਦਾ ਐਲਾਨ ਕੀਤਾ ਹੈ। ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ਪਲੇਟਫਾਰਮ ਟਰੂਥ ਸੋਸ਼ਲ ‘ਤੇ ਇਸ ਬਾਰੇ ਜਾਣਕਾਰੀ ਦਿੱਤੀ।
ਇਜ਼ਰਾਈਲ ਦੇ 15 ਫਾਈਟਰ ਜੈੱਟਸ ਨੇ ਸੋਮਵਾਰ ਰਾਤ ਪੱਛਮੀ ਈਰਾਨ ਵਿੱਚ ਕਈ ਥਾਵਾਂ ‘ਤੇ ਬੰਬਾਰੀ ਕੀਤੀ। ਇਸ ਹਮਲੇ ਵਿੱਚ ਅੰਡਰਗ੍ਰਾਊਂਡ ਮਿਲਟਰੀ ਠਿਕਾਣਿਆਂ, ਇੱਕ ਮਿਸਾਈਲ ਅਤੇ ਇੱਕ ਡ੍ਰੋਨ ਸਟੋਰੇਜ ਸੈਂਟਰ ਨੂੰ ਨਿਸ਼ਾਨਾ ਬਣਾਇਆ ਗਿਆ।
ਈਰਾਨ ਨੇ ਇਸ ਦੇ ਕੁਝ ਘੰਟੇ ਬਾਅਦ ਹੀ ਕਤਰ ਵਿੱਚ ਅਮਰੀਕਾ ਦੇ ਅਲ-ਉਦੀਦ ਏਅਰ ਮਿਲਟਰੀ ਬੇਸ ‘ਤੇ 19 ਮਿਸਾਈਲਾਂ ਦਾਗੀਆਂ। ਹਾਲਾਂਕਿ ਇਸ ਹਮਲੇ ਵਿੱਚ ਕੋਈ ਜਾਨਮਾਲ ਦਾ ਨੁਕਸਾਨ ਨਹੀਂ ਹੋਇਆ, ਕਿਉਂਕਿ ਈਰਾਨ ਨੇ ਹਮਲੇ ਤੋਂ ਪਹਿਲਾਂ ਹੀ ਇਸ ਬਾਰੇ ਅਲਰਟ ਜਾਰੀ ਕਰ ਦਿੱਤਾ ਸੀ।
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਕਿ ਈਰਾਨ ਨੇ ਆਪਣੇ ਪਰਮਾਣੂ ਠਿਕਾਣਿਆਂ ‘ਤੇ ਅਮਰੀਕੀ ਹਮਲੇ ਦਾ ਜਵਾਬ ਕਮਜ਼ੋਰ ਢੰਗ ਨਾਲ ਦਿੱਤਾ, ਜਿਵੇਂ ਕਿ ਅਮਰੀਕਾ ਨੂੰ ਉਮੀਦ ਸੀ। ਕਤਰ ਦਾ ਅਲ-ਉਦੀਦ ਏਅਰਬੇਸ ਮਿਡਲ ਈਸਟ ਵਿੱਚ ਅਮਰੀਕਾ ਦਾ ਸਭ ਤੋਂ ਵੱਡਾ ਫੌਜੀ ਅੱਡਾ ਹੈ। ਇੱਥੇ ਲਗਭਗ 8,000 ਤੋਂ 10,000 ਅਮਰੀਕੀ ਸੈਨਿਕ ਮੌਜੂਦ ਹਨ।
Disclaimer:Buland Kesari receives the above news from social media. We do not officially confirm any news. If anyone has an objection to any news or wants to put his side in any news, then he can contact us on +91-98880-00404.