⚫ ਮੈਨੂੰ ਅਜੇ ਤੱਕ ਕੋਈ ਨੋਟਿਸ ਨਹੀਂ ਮਿਲਿਆ ਨੋਟਿਸ ਮਿਲਨ ਤੇ ਵੇਖਾਂਗਾ ਕੀ ਜਵਾਬ ਦੇਣਾ ਹੈ: ਸੁਭਾਸ਼ ਚੰਦਰ ਜੇ ਸਖ਼ਤ ਕਾਰਵਾਈ ਨਾ ਹੋਈ ਤਾਂ ਅਦਾਲਤ ਜਾਵਾਂਗਾ – ਅਰੋੜਾ
ਜਲੰਧਰ (ਬੁਲੰਦ ਕੇਸਰੀ ਨਿਊਜ਼): – ਪਿਛਲੇ ਕੁੱਝ ਸਮੇਂ ਦੌਰਾਨ ਪੰਜਾਬ ਸਰਕਾਰ ਦੇ ਪੁਡਾ ਵਿਭਾਗ ਵੱਲੋਂ ਨਜਾਇਜ਼ ਕਲੋਨੀਆਂ ਅਤੇ ਇਮਾਰਤਾਂ ਖਿਲਾਫ਼ ਸਖਤ ਕਾਰਵਾਈ ਕੀਤੀ ਜਾ ਰਹੀ ਹੈ। ਕਈ ਨਜਾਇਜ਼ ਕਲੋਨੀਆਂ ਅਤੇ ਇਮਾਰਤਾਂ ‘ਤੇ ਪੁੱਡਾ ਨੇ ਚਲਵਾਈ ਹੈ।
ਪਰ ਓਥੇ ਹੀ ਦੂਜੇ ਪਾਸੇ ਕੁਝ ਨਾਜਾਇਜ਼ ਇਮਾਰਤਾਂ ਅਤੇ ਕਲੋਨੀਆਂ ਦੇ ਖਿਲਾਫ਼ ਪੁਡਾ ਵਲੋਂ ਕੋਈ ਵੀ ਕਾਰਵਾਈ ਨਹੀਂ ਕੀਤੀ ਜਾ ਰਹੀ। ਜਿਸ ਦੇ ਚਲਦਿਆਂ ਨਾਜਾਇਜ਼ ਇਮਾਰਤਾਂ ਬਣਾਉਣ ਵਾਲਿਆਂ ਦੇ ਹੌਂਸਲੇ ਵਧਦੇ ਜਾ ਰਹੇ ਹਨ।
ਅਜਿਹਾ ਹੀ ਇਕ ਮਾਮਲਾ ਜੌਹਲਾਂ ਤੋਂ ਜੰਡੂ ਸਿੰਘਾ ਰੋਡ ‘ ਤੇ ਇੱਕ ਟਰੈਵਲ ਏਜੰਟ ਦੀ ਬਣ ਰਹੀ ਇਮਾਰਤ ਨੂੰ ਲੈ ਕੇ ਸਾਹਮਣੇ ਆਇਆ ਹੈ। ਇਸ ਇਮਾਰਤ ਖਿਲਾਫ ਇੱਕ ਆਰਟੀਆਈ ਐਕਟੀਵਿਸਟ ਕਰਨ ਅਰੋੜਾ ਵੱਲੋਂ ਵਿਭਾਗ ਨੂੰ ਸ਼ਿਕਾਇਤ ਕੀਤੀ ਗਈ ਸੀ। ਜਿਸ ‘ਤੇ ਕਾਰਵਾਈ ਕਰਦਿਆਂ ਵਿਭਾਗ ਵੱਲੋਂ ਇਮਾਰਤ ਬਣਾ ਰਹੇ ਟਰੈਵਲ ਏਜੰਟ ਸੁਭਾਸ਼ ਸ਼ਰਮਾ ਨੂੰ ਨੋਟਿਸ ਵੀ ਜਾਰੀ ਕੀਤਾ ਗਿਆ ਅਤੇ 15 ਸਤੰਬਰ ਤੱਕ ਇਸ ਮਾਮਲੇ ਬਾਰੇ ਜਵਾਬ ਦੇਣ ਲਈ ਕਿਹਾ ਗਿਆ ਸੀ ਪਰ ਹੈਰਾਨੀ ਦੀ ਗੱਲ ਇਹ ਹੈ ਕਿ ਨੋਟਿਸ ਭੇਜੇ ਜਾਣ ਦੇ ਬਾਵਜੂਦ ਇਮਾਰਤ ਦਾ ਨਿਰਮਾਣ ਕਾਰਜ ਜਾਰੀ ਹੈ।
ਜਦੋਂ ਇਸ ਬਾਰੇ ਇਮਾਰਤ ਦੇ ਮਾਲਕ ਸੁਭਾਸ਼ ਚੰਦਰ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਅਜੇ ਤੱਕ ਮੈਨੂੰ ਪੁਡਾ ਵੱਲੋਂ ਭੇਜਿਆ ਕੋਈ ਵੀ ਨੋਟਿਸ ਨਹੀਂ ਮਿਲਿਆ। ਜਦੋਂ ਨੋਟਿਸ ਮਿਲੇਗਾ ਤਾਂ ਮੈਂ ਵੇਖਾਂਗਾ ਕੀ ਜਵਾਬ ਦੇਣਾ ਹੈ।
ਦੂਜੇ ਪਾਸੇ ਪੁੱਡਾ ਦੀ ਢਿੱਲੀ ਕਾਰਵਾਈ ਤੋਂ ਨਾਰਾਜ਼ ਐਕਟੀਵਿਸਟ ਕਰਨ ਅਰੋੜਾ ਦਾ ਕਹਿਣਾ ਹੈ ਕਿ ਜਿੰਨੇ ਵੀ ਨਾਜਾਇਜ਼ ਨਿਰਮਾਣ ਪੁੱਡਾ ਅਧੀਨ ਹੋ ਰਹੇ ਹਨ ਉਹ ਵਿਭਾਗ ਦੀ ਮਿਲੀ ਭੁਗਤ ਤੋਂ ਬਿਨਾਂ ਨਹੀਂ ਹੋ ਸਕਦੇ। ਉਹਨਾਂ ਕਿਹਾ ਕਿ ਇਸ ਮਾਮਲੇ ਵਿੱਚ ਜੇਕਰ ਪੁੱਡਾ ਨੇ ਇਸ ਨਜਾਇਜ਼ ਨਿਰਮਾਣ ਖ਼ਿਲਾਫ਼ ਡਿਚ ਨਹੀਂ ਚਲਾਈ ਤਾਂ ਉਹ ਇਸ ਮਾਮਲੇ ਨੂੰ ਅਦਾਲਤ ਵਿੱਚ ਲੈ ਕੇ ਜਾਣਗੇ।
Disclaimer:Buland Kesari receives the above news from social media. We do not officially confirm any news. If anyone has an objection to any news or wants to put his side in any news, then he can contact us on +91-98880-00404.