Buland Kesari :- ਲੁਧਿਆਣਾ। GST ਬੋਗਸ ਬਿਲਿੰਗ ਘੁਟਾਲਾ: ਪੰਜਾਬ ਤੋਂ ਵੱਡੀ ਖਬਰ ਪੰਜਾਬ ‘ਚ ਫਰਜ਼ੀ GST ਬਿਲਿੰਗ ਨੂੰ ਲੈ ਕੇ ਵੱਡਾ ਖੁਲਾਸਾ ਹੋਇਆ ਹੈ। ਇਸ ‘ਚ ਦੋ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਦੋਵਾਂ ਨੇ ਫਰਜ਼ੀ ਕੰਪਨੀਆਂ ਅਤੇ ਫਰਮਾਂ ਬਣਾਈਆਂ ਅਤੇ ਕਰੀਬ 700 ਕਰੋੜ ਰੁਪਏ ਦੀ ਫਰਜ਼ੀ ਬਿਲਿੰਗ ਕੀਤੀ। ਇਸ ਕਾਰਨ ਸਰਕਾਰ ਨੂੰ 100 ਕਰੋੜ ਰੁਪਏ ਤੋਂ ਵੱਧ ਦਾ ਨੁਕਸਾਨ ਹੋਇਆ ਹੈ।
ਪੰਜਾਬ ਵਿੱਚ GST ਦੀ ਜਾਅਲੀ ਬਿਲਿੰਗ ਦੇ ਮਾਮਲੇ ਵਿੱਚ ਡੀਜੀਜੀਆਈ ਨੂੰ ਵੱਡੀ ਸਫਲਤਾ ਮਿਲੀ ਹੈ। ਡੀਜੀਜੀਆਈ ਦੀ ਟੀਮ ਨੇ 700 ਕਰੋੜ ਰੁਪਏ ਤੋਂ ਵੱਧ ਦੀ ਫਰਜ਼ੀ ਬਿਲਿੰਗ (GST) ਧੋਖਾਧੜੀ ਦੇ ਦੋ ਮਾਸਟਰਮਾਈਂਡਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਦੋਵਾਂ ਮੁਲਜ਼ਮਾਂ ਦੀ ਪਛਾਣ ਮਨੀਸ਼ ਅਤੇ ਅਮਿਤ ਵਾਸੀ ਗੁਰਮੁਖ ਸਿੰਘ ਕਲੋਨੀ, ਮੰਡੀ ਗੋਬਿੰਦਗੜ੍ਹ ਵਜੋਂ ਹੋਈ ਹੈ।
ਸਰਕਾਰ ਨਾਲ 100 ਕਰੋੜ ਰੁਪਏ ਦੀ ਧੋਖਾਧੜੀ ਕੀਤੀ ਗਈ
ਜਾਣਕਾਰੀ ਅਨੁਸਾਰ ਇਹ ਦੋਵੇਂ ਫਰਜ਼ੀ/ਡਮੀ ਫਰਮਾਂ ਬਣਾਉਣ ਅਤੇ ਫਰਜ਼ੀ ਆਈਟੀਸੀ (ਇਨਪੁਟ ਟੈਕਸ ਕ੍ਰੈਡਿਟ) ਨਾਲ 700 ਕਰੋੜ ਰੁਪਏ ਤੋਂ ਵੱਧ ਦੇ ਜਾਅਲੀ ਬਿਲਾਂ ਦੀ ਲੜੀ ਬਣਾਉਣ ਦੇ ਮਾਸਟਰਮਾਈਂਡ ਸਨ। ਇਸ ਤਰ੍ਹਾਂ ਸਰਕਾਰ ਨਾਲ 100 ਕਰੋੜ ਰੁਪਏ ਤੋਂ ਵੱਧ ਦਾ ਧੋਖਾ ਹੋਇਆ ਹੈ।
Disclaimer:Buland Kesari receives the above news from social media. We do not officially confirm any news. If anyone has an objection to any news or wants to put his side in any news, then he can contact us on +91-98880-00404.