Elephant kill his owner in Bhopal : ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ਭੁਪਾਲ ਤੋਂ ਬੇਹਦ ਹੈਰਾਨੀਜਨਕ ਖਬਰ ਸਾਹਮਣੇ ਆ ਰਹੀ ਹੈ। ਜਿੱਥੇ ਇੱਕ ਹਾਥੀ ਨੇ ਆਪਣੇ ਹੀ ਮਹਾਵਤ ਨੂੰ ਪੈਰਾਂ ਹੇਠ ਕੁਚਲ ਕੇ ਮਾਰ ਦਿੱਤਾ। ਮੌਕੇ ‘ਤੇ ਪਹੁੰਚੀ ਪੁਲਿਸ ਨੇ ਮਹਾਵਤ ਦੀ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਲਿਆ ਹੈ।
ਮਿਲੀ ਜਾਣਕਾਰੀ ਦੇ ਮੁਤਾਬਕ ਪੂਰਾ ਮਾਮਲਾ ਭੋਪਾਲ ਦੇ ਛੋਲਾ ਮੰਦਰ ਥਾਣਾ ਖੇਤਰ ਦੇ ਅਧੀਨ ਵਾਪਰਿਆ ਹੈ। ਛੋਲਾ ਮੰਦਰ ਥਾਣਾ ਖੇਤਰ ਦੀ ਪੁਲਿਸ ਮੁਤਾਬਕ ਸਤਨਾ ਦੇ ਸਲਈਆ ਪਿੰਡ ਦਾ ਰਹਿਣ ਵਾਲਾ ਨਰਿੰਦਰ ਕਪਾੜੀਆ ਆਪਣੇ ਹਾਥੀ ਅਤੇ ਪੰਜ ਸਾਥੀਆਂ ਦੇ ਨਾਲ ਭਾਨਪੁਰ ਬ੍ਰਿਜ ਦੇ ਕੋਲ ਠਹਿਰਿਆ ਹੋਇਆ ਸੀ। ਉਸਦੇ ਸਾਥੀਆਂ ਨੇ ਦੱਸਿਆ ਕਿ ਬੁੱਧਵਾਰ ਰਾਤ ਪਰਵਲੀਆ ਦੇ ਰਸਤੇ ਉਹ ਰਾਜਧਾਨੀ ਭੋਪਾਲ ਪਹੁੰਚੇ ਸਨ।
ਉਨਾਂ ਨੇ ਭਾਨਪੁਰ ਬ੍ਰਿਜ ਦੇ ਨਜ਼ਦੀਕ ਖਾਲੀ ਮੈਦਾਨ ਵਿੱਚ ਇੱਕ ਦਰਖਤ ਦੇ ਥੱਲੇ ਹਾਥੀ ਨੂੰ ਬੰਨ ਦਿੱਤਾ ਸੀ। ਰਾਤ ਤਕਰੀਬਨ 9 ਵਜੇ ਉਹ ਸਾਰੇ ਖਾਣਾ ਖਾ ਕੇ ਸੌਂ ਗਏ। ਰਾਤ ਨੂੰ ਅਚਾਨਕ ਹੀ ਹਾਥੀ ਨੇ ਆਪਣੇ ਮਾਲਕ ਉੱਤੇ ਹਮਲਾ ਕਰ ਦਿੱਤਾ। ਜਿਸ ਵਿੱਚ ਉਸਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।
ਪੁਲਿਸ ਨੇ ਮਹਾਵਤ ਦੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਕੇ ਪੋਸਟਮਾਰਟਮ ਦੇ ਲਈ ਹਮੀਦੀਆ ਹਸਪਤਾਲ ਭਿਜਵਾ ਦਿੱਤਾ ਹੈ। ਫਿਲਹਾਲ ਸਾਰੇ ਮਾਮਲੇ ਦੀ ਜਾਂਚ ਵੀ ਕੀਤੀ ਜਾ ਰਹੀ ਹੈ।
Disclaimer:Buland Kesari receives the above news from social media. We do not officially confirm any news. If anyone has an objection to any news or wants to put his side in any news, then he can contact us on +91-98880-00404.