ਜਲੰਧਰ (ਬੁਲੰਦ ਕੇਸਰੀ): ਦਿੱਲੀ ਸਿੱਖ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੀ ਧਰਮ ਪ੍ਰਚਾਰ ਕਮੇਟੀ ਪੰਜਾਬ ਦੇ ਚੇਅਰਮੈਨ ਮਨਜੀਤ ਸਿੰਘ ਭੋਮਾ ਨੇ ਇੱਕ ਲਿਖਤੀ ਬਿਆਨ ਰਾਹੀ ਪੰਜਾਬ ਪੁਲਿਸ ਪ੍ਰਸ਼ਾਸਨ ਤੋਂ ਬਚ ਕੇ ਰਹਿ ਰਹੇ ਭਾਈ ਅੰਮ੍ਰਿਤਪਾਲ ਸਿੰਘ ਦੀ ਪਤਨੀ ਨੂੰ ਰਾਜਾਸਾਂਸੀ ਹਵਾਈ ਅੱਡੇ ਤੇ ਪੁੱਛ ਪੜਤਾਲ ਬਹਾਨੇ ਰੋਕਿਆ ਗਿਆ ਅਤੇ ਉਥੋ ਦੁਬਾਰਾ ਉਸ ਦੇ ਸਹੁਰੇ ਘਰ ਭੇਜ ਦਿੱਤਾ ਗਿਆ ਇਸ ਸਰਮਨਾਕ ਘਟਨਾ ਦੀ ਜਿੰਨੀ ਵੀ ਨਿੰਦਾ ਕੀਤੀ ਜਾਵੇ ਥੋੜੀ ਹੈ। ਕੀ ਪ੍ਰਸ਼ਾਸਨ ਇੱਕ ਮਹੀਨੇ ਵਿਚ ਕਿਰਨਦੀਪ ਕੌਰ ਕੋਲੋ ਪੁੱਛ ਪੜਤਾਲ ਨਹੀ ਕਰ ਸਕਿਆ ?
ਪੁਲਿਸ ਸੂਤਰਾਂ ਮੁਤਾਬਿਕ ਕਿਰਨਦੀਪ ਕੌਰ ਤੇ ਕਿਸੇ ਕਿਸਮ ਦੇ ਕੇਸ ਦਰਜ ਨਹੀ ਅਤੇ ਨਾ ਹੀ ਉਹ ਕਿਸੇ ਦੇਸ਼ ਵਿਰੋਧੀ ਗਤੀ ਵਿਧੀ ਵਿੱਚ ਸਾਮਲ ਹੈ ਫਿਰ ਕਿਸ ਅਧਾਰ ਉਪਰ ਉਸ ਨੂੰ ਡੀਟੇਨ ਕੀਤਾ ਗਿਆ? ਕੀ ਪ੍ਰਸ਼ਾਸਨ ਉਸ ਦਾ ਵੀਜਾ ਖਤਮ ਹੋਣ ਦੀ ਉਡੀਕ ਕਰ ਰਿਹਾ । ਉਸ ਦਾ ਵੀਜਾ ਖਤਮ ਹੋਣ ਤੋ ਬਾਅਦ ਸ਼ੱਕ ਤੇ ਖਦਸ਼ਾ ਹੈ ਕਿ ਪੁਲਿਸ ਉਸ ਨੂੰ ਗੈਰ-ਕਨੂੰਨੀ ਸਟੇਅ ਕਹਿ ਕੇ ਗਿਰਫਤਾਰ ਕਰੇਗੀ। ਪ੍ਰਸ਼ਾਸਨ ਨੂੰ ਇਹੋ ਜਿਹੀ ਖੇਡ ਖੇਡਣ ਤੋਂ ਗੁਰੇਜ ਕਰਨਾ ਚਾਹੀਦਾ ਹੈ। ਧੀਆਂ ਭੈਣਾ ਤੇ ਸਭ ਦੀਆ ਸਾਂਝੀਆ ਹੁੰਦੀਆ ਹਨ ਜੇ ਹਿੰਮਤ ਹੈ ਤਾਂ ਅੰਮ੍ਰਿਤਪਾਲ ਨੂੰ ਪਕੜੋ ਨਾ ਕਿ ਉਸ ਦੇ ਪਰਿਵਾਰਕ ਮੈਂਬਰਾ ਨੂੰ ਤੰਗ ਕਰੋ।
ਸਰਕਾਰ ਤੇ ਪੁਲਿਸ ਭਾਈ ਅੰਮ੍ਰਿਤਪਾਲ ਸਿੰਘ ਨੂੰ ਤਾਂ ਗ੍ਰਿਫਤਾਰ ਨਹੀਂ ਕਰ ਸਕੀ । ਹੁਣ ਸਾਰਾ ਗੁੱਸਾ ਉਸਦੀ ਨਿਰਦੋਸ਼ ਪਤਨੀ ਤੇ ਕੱਢਿਆਂ ਜਾ ਰਿਹਾ ।ਇਹ ਤੇ ਉਹ ਗੱਲ ਹੋਈ ਡਿੱਗੀ ਖੋਤੇ ਤੋਂ ਗੁੱਸਾ ਘੁਮਿਆਰ ‘ਤੇ ।
ਬਿਆਨ ਦੇ ਅਖੀਰ ਵਿੱਚ ਮਨਜੀਤ ਸਿੰਘ ਭੋਮਾ ਨੇ ਮੁੱਖ ਮੰਤਰੀ ਭਗਵੰਤ ਮਾਨ ਸੁਚੇਤ ਕਰਦਿਆਂ ਕਿਹਾ ਪੰਜਾਬ ਪੁਲਿਸ ਦੀ ਇੱਕ ਸਿੱਖ ਵਿਰੋਧੀ ਲਾਬੀ ਜੋ ਵੱਖਵਾਦ ਤੇ ਅੱਤਵਾਦ ਦੇ ਬਹਾਨੇ ਤਰੱਕੀਆਂ ਤੇ ਇਨਾਮ ਲੈਣੇ ਤੇ ਆਪਣੇ ਕਾਰਜਕਾਲ ਵਿੱਚ ਵਾਧਾ ਕਰਵਾਉਣਾ ਦੀ ਸ਼ੌਕੀਨ ਪੰਜਾਬ ਨੂੰ ਅੱਗ ਦੀ ਭੱਠੀ ਵਿੱਚ ਝੌਕਣ ਵਾਲਿਆਂ ਤੋਂ ਬਚਣ ਦੀ ਲੋੜ ਹੈ। ਇਸ ਸਿੱਖ ਵਿਰੋਧੀ ਪੁਲਿਸ ਦੀ ਜੁਂੰਡਲੀ ਕਰਕੇ ਇਸ ਦੀ ਸ਼ਜਾ ਬਾਦਲ ਪ੍ਰਵਾਰ ਸਿਆਸੀ ਤੌਰ ਤੇ ਭੁਗਤ ਰਿਹਾ ਹੈ ।
Disclaimer:Buland Kesari receives the above news from social media. We do not officially confirm any news. If anyone has an objection to any news or wants to put his side in any news, then he can contact us on +91-98880-00404.