ਜਲੰਧਰ ਬੱਸ ਸਟੈਂਡ ਦੇ ਕੋਲ ਮੌਜੂਦ ਗੁਜਰਾਲ ਇਮੀਗ੍ਰੇਸ਼ਨ ਐਂਡ ਐਜੂਕੇਸ਼ਨ ਸੈਂਟਰ ਤੇ ਸੰਚਾਲਕ ਅਤੇ ਇੱਕ ਵਿਵਾਦਤ ਟਰੈਵਲ ਏਜੰਟ ਸੰਨੀ ਗੁਜਰਾਲ ਨਾਲ ਬੀਤੇ ਦਿਨੀ ਉਸਦੇ ਦੇ ਦਫਤਰ ਵਿੱਚ ਬੇਹਦ ਹੈਰਾਨੀਜਨਕ ਘਟਨਾ ਵਾਪਰੀ। ਜਾਣਕਾਰੀ ਨੂੰ ਅਨੁਸਾਰ ਕੁਝ ਮੁੰਡੇ ਗੁਜਰਾਲ ਦੇ ਦਫਤਰ ਵਿੱਚ ਜਬਰਦਸਤੀ ਆ ਵੜੇ ਅਤੇ ਉਹਨਾਂ ਨਾਲ ਪਹਿਲਾਂ ਮਾਰ ਕੁਟਾਈ ਕੀਤੀ ਅਤੇ ਮੁੜ ਕੇ ਉਸ ਨੂੰ ਜ਼ਬਰਦਸਤੀ ਕਾਰ ਵਿੱਚ ਪਾ ਕੇ ਲੈ ਗਏ ਸਾਰੀ ਵਾਰਦਾਤ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ ਹੈ। ਇੱਥੇ ਦੱਸ ਦਈਏ ਕਿ ਸੰਨੀ ਗੁਜਰਾਲ ਪਹਿਲਾਂ ਵੀ ਕਈ ਮਾਮਲਿਆਂ ਵਿੱਚ ਵਿਵਾਦਾਂ ਵਿੱਚ ਘਿਰਦਾ ਰਿਹਾ ਹੈ। ਇਸ ਖਿਲਾਫ ਪਹਿਲਾਂ ਵੀ ਕਈ ਵਾਰ ਪੁਲਿਸ ਸ਼ਿਕਾਇਤ ਵੀ ਹੋ ਚੁੱਕੀ ਹੈ ਅਤੇ ਇਸ ਨੂੰ ਜੇਲ ਦੀ ਹਵਾ ਵੀ ਖਾਣੀ ਪਈ ਸੀ।
ਮਾਮਲੇ ਦੀ ਜਾਣਕਾਰੀ ਦੇ ਅਨੁਸਾਰ ਸਾਰਾ ਮਾਮਲਾ ਪੈਸਿਆਂ ਦੇ ਲੈਣ ਦੇਣ ਦਾ ਸੀ। ਇਸ ਨੂੰ ਲੈ ਕੇ ਸੋਮਵਾਰ ਦੁਪਹਿਰ ਤਿੰਨ ਮੁੰਡੇ ਸੰਨੀ ਗੁਜਰਾਲ ਦੇ ਦਫਤਰ ਪਹੁੰਚੇ। ਪਹਿਲਾਂ ਉਹਨਾਂ ਨੇ ਰਿਸੈਪਸ਼ਨ ਤੋਂ ਫਾਰਮ ਲੈ ਕੇ ਭਰਿਆ ਮੁੜ ਸਿੱਧੇ ਸੰਨੀ ਦੇ ਕੈਬਨ ਵਿੱਚ ਚਲੇ ਗਏ। ਜਿੱਥੇ ਉਹਨਾਂ ਨੇ ਫੋਨ ਕਰਕੇ ਹੋਰ ਮੁੰਡੇ ਸੱਦ ਲਏ ਅਤੇ ਸੰਨੀ ਗੁਜਰਾਲ ਨਾਲ ਮਾਰ ਕੁਟਾਈ ਕੀਤੀ। ਉਸ ਤੋਂ ਬਾਅਦ ਉਹ ਸੰਨੀ ਨੂੰ ਜ਼ਬਰਦਸਤੀ ਆਪਣੀ ਗੱਡੀ ਵਿੱਚ ਪਾ ਕੇ ਲੈ ਗਏ।
ਸੰਨੀ ਗੁਜਰਾਲ ਨੇ ਆਰੋਪ ਲਗਾਇਆ ਕਿ ਉਸ ਨੂੰ ਜ਼ਬਰਦਸਤੀ ਕਿਡਨੈਪ ਕਰਕੇ ਬੁਰੀ ਤਰੀਕੇ ਨਾਲ ਮਾਰਕੁਟਾਈ ਕਰਕੇ ਕਾਰ ਵਿੱਚ ਲਜਾਇਆ ਗਿਆ। ਇਸ ਦੌਰਾਨ ਉਸਨੇ ਦੱਸਿਆ ਕਿ ਉਸ ਦੇ ਨੱਕ ਦੀ ਹੱਡੀ ਵੀ ਟੁੱਟ ਗਈ ਹੈ।
ਸੰਨੀ ਗੁਜਰਾਲ ਨੇ ਦੱਸਿਆ ਕਿ ਸਾਰੇ ਮੁੰਡੇ ਉਸ ਨੂੰ ਕਾਰ ਵਿੱਚ ਬਿਠਾ ਕੇ ਪਠਾਨਕੋਟ ਚੌਂਕ ਵੱਲ ਲੈ ਗਏ। ਉਥੋਂ ਉਹਨਾਂ ਨੇ ਕਾਰ ਰਾਮਾ ਮੰਡੀ ਵੱਲ ਮੋੜ ਲਈ। ਉਸ ਨੇ ਦੱਸਿਆ ਕਿ ਜਦੋਂ ਕਾਰ ਰਾਮਾ ਮੰਡੀ ਥਾਣੇ ਦੇ ਕੋਲ ਪਹੁੰਚੀ ਤਾਂਕਿ ਉਹ ਮੌਕਾ ਦੇਖ ਕੇ ਕਾਰ ਵਿੱਚੋਂ ਛਲਾਂਗ ਮਾਰ ਕੇ ਬਾਹਰ ਨਿਕਲ ਗਿਆ ਅਤੇ ਭੱਜ ਕੇ ਆਪਣੀ ਜਾਨ ਬਚਾਈ।
ਮਾਮਲੇ ਬਾਰੇ ਥਾਣਾ ਰਾਮਾ ਮੰਡੀ ਦੇ ਏਐਸਆਈ ਗੁਰਵਿੰਦਰ ਸਿੰਘ ਦਾ ਕਹਿਣਾ ਹੈ ਕਿ ਮਾਮਲਾ ਮੁਢਲੇ ਤੌਰ ‘ਤੇ ਪੈਸੇ ਦੇ ਲੈਣ ਦੇਣ ਨਾਲ ਜੁੜਿਆ ਹੈ। ਉਹਨਾਂ ਕਿਹਾ ਕਿ ਸੰਨੀ ਗੁਜਰਾਲ ਦੀ ਸ਼ਿਕਾਇਤ ‘ਤੇ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਜਾਂਚ ਦੇ ਅਧਾਰ ‘ਤੇ ਹੀ ਅਗਲੀ ਕਾਰਵਾਈ ਹੋਵੇਗੀ।
Disclaimer:Buland Kesari receives the above news from social media. We do not officially confirm any news. If anyone has an objection to any news or wants to put his side in any news, then he can contact us on +91-98880-00404.