Buland kesari ;- ਨੇਪਾਲ ਨੇ ਚੀਨ ਦੀ ਇਕ ਕੰਪਨੀ ਨੂੰ ਆਪਣੇ ਨਵੇਂ ਨੋਟ ਛਾਪਣ ਦਾ ਠੇਕਾ ਦੇ ਕੇ ਭਾਰਤ ਨਾਲ ਪੰਗਾ ਲਿਆ ਹੈ। ਨੇਪਾਲ ਰਾਸਟਰ ਬੈਂਕ, ਨੇਪਾਲ ਦਾ ਕੇਂਦਰੀ ਬੈਂਕ; ਨੇ ਦੇਸ਼ ਦੇ ਸੋਧੇ ਹੋਏ ਸਿਆਸੀ ਨਕਸ਼ੇ ਵਾਲੇ 100 ਰੁਪਏ ਦੇ ਨਵੇਂ ਨੋਟ ਛਾਪਣ ਲਈ ਚੀਨ ਦੀ ਇਕ ਕੰਪਨੀ ਨੂੰ ਚੁਣਿਆ ਹੈ।
Nepal ਦੀ ਕੈਬਨਿਟ ਨੇ 100 ਰੁਪਏ ਦੇ ਨੋਟ ਦੇ ਡਿਜ਼ਾਈਨ ‘ਚ ਬਦਲਾਅ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਸ ਵਿਚ ਰਣਨੀਤਕ ਤੌਰ ‘ਤੇ ਤਿੰਨ ਮਹੱਤਵਪੂਰਨ ਖੇਤਰਾਂ ਲਿੰਪੀਆਧੁਰਾ, ਲਿਪੁਲੇਖ ਅਤੇ ਕਾਲਾਪਾਣੀ ਨੂੰ Nepal ਦਾ ਹਿੱਸਾ ਦੱਸਿਆ ਗਿਆ ਹੈ, ਜਦਕਿ ਇਹ ਖੇਤਰ ਲੰਬੇ ਸਮੇਂ ਤੋਂ ਭਾਰਤ ਦਾ ਹਿੱਸਾ ਹਨ।
ਖਬਰਾਂ ਮੁਤਾਬਕ ਨੇਪਾਲ ਦੀ ਕੈਬਨਿਟ ਨੇ ਇਸ ਡਿਜ਼ਾਈਨ ਅਪਡੇਟ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਜ਼ਿਕਰਯੋਗ ਹੈ ਕਿ ਨੇਪਾਲ ਨੇ 18 ਜੂਨ 2020 ਨੂੰ ਸੰਵਿਧਾਨ ‘ਚ ਸੋਧ ਕਰਕੇ ਇਨ੍ਹਾਂ ਖੇਤਰਾਂ ਨੂੰ ਸਿਆਸੀ ਨਕਸ਼ੇ ‘ਚ ਸ਼ਾਮਲ ਕੀਤਾ ਸੀ। ਉਸ ਸਮੇਂ ਭਾਰਤ ਨੇ ਇਸ ਕਦਮ ਦਾ ਸਖ਼ਤ ਵਿਰੋਧ ਕੀਤਾ ਸੀ। ਭਾਰਤ ਨੇ ਵਾਰ-ਵਾਰ ਸਪੱਸ਼ਟ ਕੀਤਾ ਹੈ ਕਿ ਲਿਪੁਲੇਖ, ਕਾਲਾਪਾਣੀ ਅਤੇ ਲਿੰਪੀਆਧੁਰਾ ਭਾਰਤ ਦੇ ਅਟੁੱਟ ਅੰਗ ਹਨ।
ਜ਼ਿਕਰਯੋਗ ਹੈ ਕਿ ਇਨ੍ਹਾਂ ਬੈਂਕ ਨੋਟਾਂ ਦੀ ਛਪਾਈ ਦਾ ਠੇਕਾ ਚਾਈਨਾ ਬੈਂਕ ਨੋਟ ਪ੍ਰਿੰਟਿੰਗ ਐਂਡ ਮਿੰਟਿੰਗ ਕਾਰਪੋਰੇਸ਼ਨ ਨੂੰ ਦਿੱਤਾ ਗਿਆ ਹੈ। ਟਾਈਮਜ਼ ਆਫ਼ ਇੰਡੀਆ ਨੇ ਆਪਣੀ ਇੱਕ ਰਿਪੋਰਟ ਵਿੱਚ ਦੱਸਿਆ ਕਿ ਇਸ ਸਮਝੌਤੇ ਦੇ ਤਹਿਤ ਚੀਨੀ ਫਰਮ ਨੂੰ 100 ਰੁਪਏ ਦੇ ਨੋਟਾਂ ਦੇ 30 ਕਰੋੜ ਯੂਨਿਟ ਡਿਜ਼ਾਈਨਿੰਗ, ਪ੍ਰਿੰਟਿੰਗ, ਸਪਲਾਈ ਅਤੇ ਵੰਡਣ ਦਾ ਕੰਮ ਸੌਂਪਿਆ ਗਿਆ ਹੈ। ਇਸਦੀ ਅਨੁਮਾਨਿਤ ਉਤਪਾਦਨ ਲਾਗਤ ਲਗਭਗ ਯੂਸ $9 ਮਿਲੀਅਨ ਹੈ।
Disclaimer:Buland Kesari receives the above news from social media. We do not officially confirm any news. If anyone has an objection to any news or wants to put his side in any news, then he can contact us on +91-98880-00404.